मलेसियामा स्थानीय युवाहरुको आक्रमणमा ६ नेपालीको मृत्यु
मलेसियामा स्थानीय युवाहरुको आक्रमणमा ६ जना नेपालीको ज्यान गएको छ ।
मलेसियाको जोहार बारुमा स्थानीय मलेसियन नागरिकहरुले आक्रमण गर्दा ६ जना नेपालीको ज्यान गएको र अन्य १८ जना नेपाली घाइते भएको बताइएको छ ।
घटनापछि जोहारबारुमा कर्फ्यू समेत लगाइएको छ । घटनाको बारेमा बुझ्नका लागि मलेसियामा रहेका नेपाली दूतावासको टोली घटनास्थल गएको छ ।
सामान्य भनाभनबाट नेपाली र स्थानीय युवाहरुबीच सुरु भएको विवादले उग्र रुप लिँदा यस्तो घटना भएको बताइएको छ ।
कम्पनीको होस्टेलमा बस्दै आएका नेपालीहरुमाथी स्थानीय युवाहरुले होस्टेलमै प्रवेश गरेर कुटपिट गरेको बताइएको छ ।
