एटिएम कार्ड प्रयोग गरी अरुकै खाताबाट रकम झिकियो
तीनै जनावाट प्रहरीले नेपाल र भरतका गरी २७ वटा एटिएम कार्ड बरामद गरेको छ। केही दिन अघि प्राप्त सुचनाका आधारमा कञ्चनपुर प्रहरीले उनीहरुको खोजी गरिरहेको थियो। 'एटिएम कार्ड प्रयोग गरी विभिन्न बैंकबाट रकम लुट्ने गरेको सुचना पाएका थियौं,' प्रहरी प्रवक्ता एवम जिल्ला प्रहरी कार्यालय कञ्चनपुरका डिएसपी विर्ख बहादुर रावलले भने, 'तीन जनालाई बीच बजारबाट समात्न सफल भयौं।' विभिन्न बैंकबाट रकम झिकेको भेट्टिए पनि कति रकम भन्ने एकिन हुन नसकेको उनले बताए।
प्रयोग गरिएका एटिएमवारे पूर्ण जानकारी लिन सक्ने प्रविधि स्थानीय प्रहरी र बैंकहरुसित नभएको डिएसपी रावलले बताए। तीनै जनाबाट 'डाइनस क्लव इन्टरनेशनल' लेखिएका एटिएम कार्ड प्रहरीले बरामद गरेको छ। पक्राउ परेका मोहनसिँहबाट ६२ हजार चार सय नेपाली तथा तीनहजार दुई सय भारतीय रुपैंया बरामद गरिएको प्रहरीले जनाएको छ।
यस्तै सुरेन्द्रसिँहबाट चार हजार दुई सय भारतीय रुपैंयाँ तथा चन्द्रसिँहबाट ६ हजार १० रुपैंयाँ भारतीय रुपैयाँ बरामद गरिएको छ। तीनै जनालाई पक्राउ लगत्तै जिल्ला प्रहरी कार्यालय कञ्चनपुर लगि अनुसन्धान थालिएको थियो। प्रहरीले थप अनुसन्धान गर्न तीनै जना भारतीय नागरिकलाई सोमबार राजधानी लैजाँदै छ। via नागरिक
