आफ्नै प्रेमिकाको निर्मम हत्या गर्ने प्रहरी हवल्दार पक्राउ(रक्षक नै भक्षक) सुनसरी,फागुन २४ । इटहरीको एक गेष्टहाउसमा मृत फेला परेकी महिलालाई सशस्त्र प्रहरीका हवल्दार राजकुमार चौधरीले हत्या गरेको रहस्य खुलेको छ । कंकालनी गण टङ्कीमा दरबन्दी भएका चौधरीलाई प्रहरीले बुधबार राति पक्रेपछि हत्या चौधरीले नै गरेको रहस्य खुलेको हो । चौधरी बुधबार न्यू स्वागत गेष्ठहाउसमा मोरङ्ग बबिया बिर्ता --२ की मंगलीदेवी चौधरीको हत्या गरी फरार भएका थिए । पक्राउ परेका चौधरीले मंगलीले विवाह गर्न दबाब दिएकाले आफूले हत्या गरेको बयान दिएका छन् । इलाका प्रहरी कार्यलय इटहरीका प्रहरी निरीक्षक श्याम सारु मगरले अनुसन्धानका क्रममा उनीहरुबीच शारीरिक सम्बन्ध रहेको देखिएकाले यही बिषयमा बिवाद हूँदा चौधरीले ज्यान लिएको हुनसक्ने बताउनुभयो । चौधरी र हत्या गरिएकी मंगली प्रेमी प्रेमिका हुन्, दुबै बिवाहित हुन् र दुबैका एक--एक सन्तान छन् । लामो समयदेखि उनीहरुबीच सम्बन्ध रहँदै आएको र मंगलीले बिवाह गर्न दवाव दिएपछि चौधरीले हत्या गरेको प्रहरीले जनाएको छ ।